Украінская кухня вызначаецца разнастайнасцю страў і высокімі смакавымі якасцямі. Асаблівасцю кухні з'яўляюцца баршчы.

Украінская народная кухня склалася даволі позна, пераважна ў пачатку - сярэдзіне XVIII стагоддзя, а канчаткова да пачатку XIX стагоддзя. Да гэтага яе было складана адрозніць ад роднасных польскай і беларускай кухань. Гэта тлумачыцца працягласцю і складанасцю працэса фарміравання украінскай нацыі і ўкраінскай дзяржавы.

Пасля мангола-татарскай навалы на Кіеўскую Русь Украіна зазнала агрэсію літоўскіх, венгерскіх, польскіх феадалаў, у выніку чаго розныя часткі тэрыторыі яе ўваходзілі ў склад розных дзяржаў (Літвы, Польшы, Венгрыі, Румыніі).

Па сутнасці, фарміраванне украінскай нацыі пачалося толькі ў XVIII стагоддзі і скончылася праз 100 гадоў.

Паколькі асобныя ўкраінскія тэрыторыі былі працяглы час раз'яднаныя, агульнаўкраінская кухня стваралася дужа марудна, толькі пасья аб'яднання ўкраінскага народа. У XVII стагоддзі ў склад Расіі ўвайшлі Левабаковая Украіна, Кіеў, напрыканцы XVIII ст. - Правабаковая Ўкраіна. З канца XVIII ст. паўднёвая частка Ўкраіны - Прычарнамор'е і Наварасія - сталі засяляцца выхадцамі з паўднёвых губерній Расіі, якія потым асіміліраваліся мясцовым насельніцтвам.

Такім чынам, да пачатку - сярэдзіны XIX ст. сфарміравалася, збольшага, тэрыторыя Украіны, большая частка ўкраінскай нацыі была ўз'яднаная і атрымала магчымасць кансалідавацца ў адной дзяржаве.

Гэта значна палегчыла стварэнне і распаўсюджванне характэрных асаблівасцей агульнаўкраінскіх страў, хоць адрозненні паміж стравамі Чарнігаўшчыны і Галіччыны, Палтаўшчыны і Валыні, Букавіны і Харкаўшчыны, Падольля і Закарпацця захаваліся дагэтуль.

ЛітаратураПравіць

  • Похлебкин В. В. Национальные кухни наших народов (Основные кулинарные направления, их история и особенности. Рецептура). - М.: Пищевая пром-сть, 1981. - С. 62.