<-Кулінарная кніга

Сіропы — гэта канцэнтраты для прыгатавання напояў. Вырабляюцца з ягаднага ці фруктовых сокаў. Прыдатныя для розных відаў напояў, у тым ліку чая.

Інгрэдыенты правіць

  • 1 шклянка соку,
  • 1 шклянка цукру,
  • 1 шклянка вады.

Як прыгатаваць правіць

Змяшаць сок з цукрам, вадою і варыць на павольным агні да атрымання аднароднай вязкай масы. Каб цукар лепш растварыўся можна некалькі разоў даводзіць да кіпення. Потым астудзіць.

Ужыванне правіць

  • Сіроп павінен быць разбаўлены вадой, фруктовай ці араматызаванай гарбатай або малаком перад выкарыстаннем
  • Уваходзіць у склад кактэйлей.

Сіроп з чарнаплоднай рабіны (класічны рэцэпт) правіць

2,5 кг ароніі заліваюць 4 літрамі крутога кіпня. Туды ж дадаюць 25 грам парашка лімоннай кіслаты. Каб крышталі растварыліся, масу перамешваюць. Ёмістасць з ягадамі накрываюць крышкай і закутваюць у цёплы рушнік. Праз суткі ягады працэджваюць праз некалькі слаёў тканіны. Пажадана ягады не аджымаць, так сок будзе больш празрысты. Выкарыстаную рабіну або выкідаюць, або вараць з яе смачнае варэнне.

Колькасць атрыманага сока замяраюць літровай банкай. На кожны літр сока бяруць 1 кг цукровага пяска. Перамешваюць інгрыдыенты і праграваюць іх на вагні напрацягу 10 хвілін. Гатовы сіроп фасуюць па сухі чыстых слоіках і закрываюць крышкамі. Высокае ўтрыманне цукру не дазваляе яму псавацца пры пакаёвай тэмпературы.

Спасылкі правіць

 
Wikipedia
Вікіпедыя таксама мае матэрыялы па гэтай тэме: