Рэцэпт:Суп з кіслай капусты

Суп з кіслай капусты - першая страва.

Інгрыдыенты

Мяса (ялавічына, свініна) - 500 г. або палова курыцы
Кіслая капуста - 300 г.
Бульба - 4-5 шт.
Лаўровы ліст.
Чорны перац гарошкам.
Запраўка для супоў - 4-5 сталовых лыжкі. або свежая гародніна: морква, рэпчатая цыбуля, памідор.
Раслінны алей для абсмажвання гародніны - 1-2 ст. л.
Зеляніна і смятана для падачы.

У каструлю наліць каля 3 літраў вады, пакласці мяса і давесці да кіпення. Зняць пенку і варыць каля 1 гадзіны.
Дадаць кіслую капусту, лаўровы ліст, чорны перац гарошкам і варыць яшчэ каля 30-40 хвілін (у выпадку прыгатавання супа з курыцы капусту дадаць адразу пасля закіпання).
Бульбу пачысціць, нарэзаць кубікамі ці брускамі, дадаць у каструлю.
У гэты час на патэльні абсмажыць запраўку для супа і дадаць яе ў суп. Калі выкарыстоўваецца свежая гародніна, то цыбулю нарэзаць адвольна, моркву нацерці, памідор нарэзаць кубікамі і ўсё абсмажыць - спачатку цыбулю, пасля лёгкага падсмажвання дадаць моркву і памідор.
Гатаваць суп з кіслай капусты яшчэ каля 15-20 хвілін на слабым вагні.

Падаваць суп з кіслай капусты са смятанай.