Рэцэпт:Смятаннік

<-Кулінарная кніга

Рэцэпт:Смятаннік

Катэгорыя:

Салодкія стравы

Порцый:

10

Энергетычная каштоўнасць:

252 ккал/100 г

Час:

1 гадзіна

Складанасць:

Выявы
на Вікісховішчы

Смятаннік — торт.

Інгрыдыенты

Для цеста:

Смятана — 250 г.
Цукар — 250 г.
Мука (для выпечкі, з разрыхляльнікам) — 320 г (2 шклянкі).
Масла сметанковае — 50 г.
Какава-парашок — 1 ст. лыжка.
Цукар ванільны — 1 пакуначак.

Для крэму:

Смятана 25% тлустасці — 500 г.
Цукар — 150 г.
Цукар ванільны — 1 пакуначак.
Арэхі (па жаданні) — 1 шклянка.

Пакрокавы рэцэпт

Рыхтуем прадукты для торта «Смятаннік».
У міску міксера кладзем 50 г мяккага сметанковага масла, дадаем 1 пакуначак ванільнага цукру і 100 г цукровага пяску. Змешваем атрыманую масу на сярэдняй хуткасці. Працягваючы змешваць, у тры прыёмы дадаем 250 г смятаны і 150 г цукру. Падчас мяшання адзін раз чысцім сценкі міскі.
Памяншаем хуткасць міксера да мінімуму і дадаем 2 шклянкі мукі для выпечкі. (Замест мукі для выпечкі можна выкарыстоўваць звычайную белую муку, дадаўшы разрыхляльнік.) Змешваем да атрымання аднастайнага цеста.
Цеста дзелім на дзве часткі і ў адну палову дадаем адну сталовую лыжку какавы. Змешваем да атрымання аднастайнага шакаладнага цеста.
Дно раздымнай формы дыяметрам 26 см засцілаем паперай для выпечкі і змазваем алеем. Кладзём палову светлага цеста. Рукамі, змочанымі ў вадзе, размяркоўваем цеста па дне формы.
Выпякаем каржы пры тэмпературы 200 °C прыблізна 15 хвілін. Такім жа чынам раскочваем і выпякаем яшчэ адзін светлы і два шакаладных каржа. Гатовыя каржы выкладваем на рашотку, здымаем паперу і даем астыць. Калі каржы астынуць, яны стануць сухімі, але ў торце, з крэмам, будуць далікатнымі і мяккімі.
Прыгатуем сметанны крэм. У міску міксера кладзем 500 г халоднай тоўстай смятаны, не менш за 25% тлустасці. Дадаем 150 г цукровага пяску і адзін пакуначак ванільнага цукру.
Узбіваем на максімальнай хуткасці да атрымання пышнага крэму.
Прыступаем да зборкі сметаннага торта. На страву нашмароўваем трохі крэму.
Кладзём шакаладны корж, густа змазваем яго сметанным крэмам.
Пасыпаем здробненымі падсмажанымі арэхамі.
Зверху кладзем светлы корж, густа змазваем яго сметанным крэмам, пасыпаем здробненымі падсмажанымі арэхамі. І гэтак далей, чаргуючы каржы.
Верхні корж кладзем гладкім бокам дагары. Увесь торт абшмароўваем сметанным крэмам. На паверхні сметаннага торта з паловак арэхаў выкладваем арнамент, злёгку прысыпаем здробненымі арэхамі.
Бакі торта густа абсыпаем здробненымі арэхамі. Вытрымліваем торт «Смятаннік» у халадзільніку не менш за 12 гадзін і падаем да салодкага стала з гарбатай ці кавай.

Крыніцы

Гофман Л. Рецепт: Торт «Сметанник». RussianFood.com. 15.02.2017
FooDee. Торт сметанник - пошаговый рецепт с фото. Клуб кулинаров. 22 ноября 2019
Шунина З. Торт Сметанник шоколадный - рецепт с фотографиями. - Patee. Рецепты

На Вікісховішчы таксама ёсць медыяфайлы па тэме Рэцэпт:Смятаннік