Рэцэпт:Кулябяка

<-Кулінарная кніга

Рэцэпт:Кулябяка
Катэгорыя:	Другія стравы
Час:	1 гадзіна
Складанасць:
Артыкул у Вікіпедыі Выявы на Вікісховішчы

Кулябяка - пірог, страва рускай кухні.

Інгрыдыенты

• Цеста дражджавое слоенае - 1 упакоўка.
• Блінчыкі – 8 шт.
• Рыба, кансервіраваная ў масле (напрыклад, сайра) – 1 слоік.
• Яйкі вараныя – 4 шт.
• Грэцкія крупы (гатовыя) – 300 гр.
• Вяршкі – 150 гр.
• Цыбуля рэпчатая – 2 шт. (сярэднія).
• Масла сметанковае (або раслінны алей) – пару лыжак (для смажання).
• Жаўток – 1 шт.
• Соль, перац, зеляніна, спецыі - паводле смаку.

Спосаб прыгатавання

Спячы бліны па вашым любімым рэцэпце (несалодкія).

Цеста, калі замарожанае, размарозіць пры пакаёвай тэмпературы. Калі ёсць час, прыгатаваць самастойна.

На патэльні ў раслінным алеі (ці масле сметанковым - у залежнасці ад вашых пераваг) абсмажыць рэпчатую цыбулю да залацістага колеру, пакласці ў цыбулю грэцкія крупы (загадзя звараныя ў подсоленай вадзе) і парэзаныя кубікам вараныя яйкі, пасаліць і паперчыць адпаведна смаку, уліць вяршкі (пакінуць 1 сталовую лыжку) перамяшаць і пакінуць астываць.

З рыбы адліць лішні алей, парэзаць яйкі і цыбулю, змяшаць з рыбай (якую загадзя таксама можна крыху размяць відэльцам).

Далей сабраць кулябяку:

раскачаць цеста (пакінуўшы крыху для упрыгажэння) да патрэбнага памеру прыкладна 30 на 40 см і ў таўшчыню 5 мм;

на цеста выкласці два блінчыка;

на блінчыкі выкласці палавіну грачанай начынкі, зверху яшчэ два блінчыка;

на блінчыкі рыбную начынку, зверху блінчыкі;

далей грэчку і блінчыкі, якія засталіся;

склеіць краі пірага і...

але-оп - перавярнуць!

Далей узбіць відэльцам жаўток і 1 сталовую лыжку вяршкоў і змазаць гэтай сумессю кулябяку, упрыгожыць цестам, якое засталося, і яшчэ раз змазаць жаўтком з вяршкамі, зрабіць адтуліны для выхаду пару і пакінуць на 15-20 хвілін, каб цеста крыху паднялося. І паставіць у загадзя нагрэтую духоўку хвілін на 40-50 (у залежнасці ад духоўкі).

Крыніцы

• Кулебяка пошаговый рецепт с фотографиями. Клуб кулинаров. 16.10.2010