Аргенцінская кухня — сукупнасць традыцыйных страў Аргенціны. Яна характарызуецца культурнай сумессю італьянскай, іспанскай і французскай кухань з незначным уплывам традыцыйнай кухні карэнных народаў. У Аргенціне даступныя вельмі разнастайныя інгрыдыенты. Там спажываюць шмат ялавічыны. Найбольш характэрным для аргенцінскай кухні з'яўляецца асада (аргенцінскае барбекю). Тым не менш вялікая плошча краіны і культурная разнастайнасць прывялі да ўзнікнення мясцовых страў. Вялікая колькасць імігрантаў зрабіла вялікі ўплыў на аргенцінскую кухню. У рэшце рэшт Аргенціна — другая краіна ў свеце паводле колькасці імігрантаў. Іх колькасць ацэньваецца ў 6,6 мільёнаў чалавек (больш толькі ў ЗША — з 27 мільёнамі). Менш чалавек пераехала ў такія краіны, папулярныя сярод мігрантаў, як Канада, Бразілія, Аўстралія і інш.

Аргенцінцы маюць рэпутацыю аматараў паесці. Сустрэчы людзей звычайна суправаджаюцца раздзяленнем ежы. Запрашэнне на хатні абед агульна лічыцца праяўленнем сяброўства, цеплыні і прыязнасці. Сямейны ланч па нядзелях лічыцца самым важным прыёмам ежы за ўвесь тыдзень і самымі значнымі стравамі на ім часта з'яўляюцца асада ці паста.

Іншая рыса ангенцінскай кухні — прыгатаванне такіх хатніх страў, як бульба-фры, паці (па-англійску: patty) і паста, каб адсвяткаваць значную падзею, сустрэцца з сябрамі ці ў гонар каго-небудзь. Традыцыя прыгатавання ежы дома перадаецца з пакалення ў пакаленне. Хатняя ежа таксама з'яўляецца спосабам паказаць прыязнасць.

У Аргенціне ёсць рэстараны вельмі разнастайных кухань, коштаў і відаў. У вялікіх гарадах ёсць высокаякасныя міжнародныя кухні, бодэгоны (танныя традыцыйныя схаваныя таверны), менш дарагія рэстараны, а таксама бары і сталовыя, якія прапануюць шэраг страў па недарагіх коштах.

ГісторыяПравіць

Карэнныя амерыканцы жылі на тэрыторыі Аргенціны напрацягу тысячагоддзяў да прыбыцця еўрапейскіх даследчыкаў. Прадстаўнікі індыйскага племені, якое жыло на паўднёвай частцы сучаснай Аргенціны, былі фермерамі. Яны вырошчвалі гарбузы, дыні і салодкую бульбу. У 1536 годзе ў Аргенціну прыплылі іспанскія даследчыкі. Паміж 1853 і 1955 годам ў Аргенціну пераехалі каля 6,6 мільёнаў чалавек з Еўропы, Бліжняга і Сярэдняга Усхода, Расіі і Японіі. Яны зрабілі ўклад у развіццё аргенцінскай кухні. Большасць імігрантаў паходзілі з Італіі і Іспаніі. Італьянцы пазнаёмілі з піцай і вельмі разнастайнымі пастамі, у тым ліку спагеці і лазаньяй. Брытанцы, немцы, яўрэі і іншыя імігранты, якія пасяліліся ў Аргенціне, заўсёды прывозілі свае кулінарныя традыцыі і любімыя стравы. Брытанцы прывезлі гарбату, распачаўшы традыцыю піцця гарбаты. Усе гэтыя культуры паўплывалі на стравы Аргенціны.

Папулярныя стравыПравіць

Большасць рэгіёнаў Аргенціны аддаюць перавагу ялавічыне. Асноўны прадукт харчавання — мяса, прыгатаванае на грылі, ці асада (барбекю). Асабліва распаўсюджаныя стэйкі і рэбры. Само слова асада (па-англійску: asado) абазначае даўгія палоскі нарэзанага мяса на рэбрах. Аргенцінцы таксама любяць чарызу (вострая свіная каўбаса), крывяную каўбасу, кішкі (па-англійску: chinchulines), салодкае мяса і іншыя часткі жывёл. У Патагоніі больш распаўсюджаныя бараніна і мяса казы. Традыцыйна цэлыя бараны і козы гатуюцца на адкрытым агні. Такі спосаб прыгатавання завецца асада а ля эстака.

Самай распаўсюджанай прыправай да асада выступае чымічуры (па-англійску: Chimichurri) — соус, прыгатаваны з траў, часнаку і воцату. У адрозненне ад іншых варыянтаў чымічуры, аргенцінцы не дадаюць у чымічуры перац чылі.

Вікіпедыя таксама мае матэрыялы па гэтай тэме: